Klinika Infektive në Prishtinë, aktualisht duket të jetë e qetë. Ndonëse kjo Klinikë është përgatitur për një valë tjetër të mundshme për virusin Sars-Cov-2.
Sipas statistikave të Minitrisë së Shëndetësisë, gjatë dy javëve të fundit ka pasur ngritje të leht të rasteve me COVID-19.
E gjatë ditës i shqëtësuar me rritjen e rasteve është deklaruar edhe ministri i shëndetësisë Rifat Latifi.
“Unë jam i shqetësuar për rritjen e rasteve. Është mirë që janë rastet të buta dhe s’ka vdekje. Komiteti do të takohet shumë shpejt dhe jemi duke menduar me i marr masat e duhura”, ka thënë Latifi.
Andaj Infektologia Albina Ponosheci po kërkon që të vaksinohen sa më shumë qytetarët.
“Për momentin gjendja në klinikën infektive është e qetë edhe pas shtimit të numrit të raportuar nga MSH-ja dhe instituti i shëndetit publik, por frika është që më shtimin e numrit të infektuarëve ka mundësi të shtohet dhe numri i të hospitalizuarëve prandaj apeli jonë është që të vaksinohet më shumë popullata, edhe ata që janë vaksinuar me vaksinën e tretë të vazhdojnë me vaksinën e katërt”, ka thënë Ponosheci.
Teksa një reagim për këtë ka ardhur edhe nga Insituti Kombëtar i Shëndetësisë Publike që ka kërkuar mbajtjen e maskës edhe ambiente të mbyllura.
Kronika e realizuar nga gazetarja Lendrina Kodrolli.
