Këtë e ka konfirmuar për Teve1.info zëdhënësi i Policisë për Rajonin e Prizrenit, Vesel Gashi.
Ai tha se lajmin e ka raportuar në Polici, djali i viktimës, teksa theksoi se Policia ka dalë në vendin e ngjarjes dhe me vendim të prokurorit të shtetit, rasti është iniciuar si “Trajtim i pandërgjegjshëm”.
“Me datën 23.06.2022 rreth orës 17:10 min,kemi pranu një informatë se një person ka ndërruar jetë në ordinancën private cila gjendet ne rrugën Gjeravica në Prizren. Reagimi policor ishte i menjëhershëm patrulla kanë dalë në vend ngjarjes ku kanë kontaktuar me palën ankuese ku i njëjti deklaron se nëna e tij, gjatë operacionit ka ndërruar jetë. Në lidhje me ketë rast të gjitha njësitet relevante kanë dalë në vendin e ngjarjes, po ashtu është njoftuar Prokurori i Shtetit i cili ka dal në vendin e ngjarjes, i cili ka rekomanduar të iniciohet rast ‘Trajtim i pa ndërgjegjshëm mjekësor’”, ka thënë Gashi.
Sipas tij, trupi i pajetë është dërguar në IML për obduksion, ndërsa rasti po hetohet nga njësitet rajonale të hetimeve në Prizren. /teve1.info/
