Erjon Kastrati është prezantuar edhe zyrtarisht si lojtari i Trepçës.
Kastrati ka firmosur një kontratë tre-vjeçare me xehtarët, dhe pikërisht ekipi mitrovicas e ka bërë të ditur edhe akordin me 27-vjeçarin përmes një mesazhi në profilin e tyre.
”Mirësevjen në qytetin e Basketbollit Erjon. Erjon Kastrati i bashkohet projektit tonë, për 3 vitet e ardhshme”, thuhet në njoftimin e shkurtër të Trepçës.
Të kujtojmë se në dy vitet e fundit, Kastrati luajti te Golden Eagle Ylli dhe fitoi katër trofe historikë me therandasit. /Tëvë1/
