Prokuroria Themelore në Pejë ka ngritur aktakuzë ndaj B.A., i dyshuar për veprën penale “Vrasje e mbetur në tentativë”.
Prokuroria bën të ditur se i pandehuri, me dashje dhe duke përdorur armë zjarri, ka tentuar ta privojë nga jeta të dëmtuarin me inicialet U.F., më 22 dhjetor të vitit 2025 në lagjen “Jarina” në Pejë.
Në aktakuzë thuhet se i dyshuari, sapo e ka parë viktimën, ka shtënë pesë herë në drejtim të tij. Si pasojë e të shtënave, viktima është goditur nga tre plumba dhe ka pësuar lëndime të rënda trupore.
Përveç veprës penale “Vrasje e mbetur në tentativë”, B.A. akuzohet edhe për “Mbajtje në pronësi, kontroll ose posedim të paautorizuar të armëve”.
Prokuroria i ka propozuar gjykatës që, pas shqyrtimit gjyqësor, i pandehuri të shpallet fajtor dhe të dënohet sipas ligjit.
“Sipas aktakuzës, i pandehuri B.A., me datë 22 dhjetor 2025 në lagjen ‘Jarina’ të Pejës, me dashje dhe me armë zjarri, tenton ta privojë nga jeta të dëmtuarin U.F., derisa i pandehuri me të parë viktimën shtënë në drejtim të tij pesë herë me armë të zjarrit, ku si pasojë viktima nga tri plumba pëson lëndim të rënda trupore”, thuhet në njoftim. /teve1.info.
