Përmes këtij aksioni, ata kanë vendosur disa pankarta me mbishkrimet “Evropë ku janë vizat, deri kur ma”, përcjell teve1.info
“Me një aksion simbolik, shfaqëm indinjatën tonë për diskriminimin që Evropa po ia bën qytetarëve të Kosovës duke i mbajtur të izoluar në mungesë të liberalizimit. Në Samitin e Bashkimit Evropian edhe sot përfundoi një takim i radhës pa përgjigje për Kosovën se kur do t’i liberalizohen vizat. Andaj, qytetari i Kosovës me të drejtë pyet Evropë ku janë vizat, deri kur ma!’”, thuhet në postimin e Grupit Parlamentar të AAK-së në Facebook.
Sot në Bruksel ka përfunduar mbledhja e samitit BE – Ballkani Perëndimor. Ndonëse ishte paraparë që në këtë mbledhje të ishte në rend dite edhe çështja e liberalizimit të vizave për Kosovën, një gjë e tillë nuk ka ndodhur. /Teve1.info/
