Dy zyrtarë të KEDS-it janë arrestuar në Ferizaj nën dyshimin për përfshirje në veprën penale të ryshfetit.
Sipas njoftimit të Policisë së Kosovës, të dyshuarit dyshohet se kanë marrë 400 euro para të gatshme nga një qytetar, duke i premtuar zëvendësimin e shpejtë të njehsorit elektrik.
Rasti është iniciuar si “pranim i ryshfetit në sektorin privat”, ndërsa me urdhër të prokurorit kompetent, të dyshuarit janë dërguar në mbajtje pas intervistimit.
Në raportin ditor është bërë e ditur se hetimet për këtë çështje janë në vazhdim. /teve1.info/
