Policia e Kosovës ka arrestuar një 37-vjeçar të kërkuar me urdhëresë të gjykatës për veprën penale “grabitje”.
Sipas njoftimit zyrtar, i dënuari me tre vite burgim dhe dënim me gjobë është dërguar në vuajtje të dënimit, në përputhje me urdhëresën e gjykatës.
“Policia e Rajonit të Prishtinës, po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Një nga këto operacione u realizua nga zyrtarët policorë të stacionit të Drenasit, të cilët arritën të arrestojnë personin e kërkuar për grabitje: -L.I, mashkull, 37 vjeç, i cili konform urdhëresës së gjykatës, është dërguar në vuajtje të dënimit (3 vite dhe denim me gjobë)”, thuhet në njoftim.
