Ministri i Mbrojtjes, Ejup Maqedonci, të mërkurën ka pritur në takim të ngarkuarën me punë të Ambasadës së Shtetet e Bashkuara të Amerikës në Kosovë, Anu Prattipati.
Gjatë takimit, Prattipati e ka uruar Maqedoncin për riemërimin në detyrë, duke rikonfirmuar mbështetjen e vazhdueshme të SHBA-së për Republikën e Kosovës.
Sipas njoftimit të Ministrisë së Mbrojtjes, palët diskutuan për forcimin e bashkëpunimit bilateral në fushën e mbrojtjes, si dhe për vazhdimin e mbështetjes amerikane në ngritjen dhe zhvillimin e kapaciteteve profesionale dhe operacionale të Forca e Sigurisë së Kosovës.
“Partneriteti strategjik ndërmjet SHBA-së dhe Kosovës mbetet thelbësor për avancimin e kapaciteteve mbrojtëse të vendit, si dhe për kontributin në paqen, sigurinë dhe stabilitetin rajonal dhe ndërkombëtar”, theksohet në njoftim./teve1.info/
