Në seancën që po mbahet në Kuvend e ku pritet që të votohet Projektligji për Trustin, Kurti tha se kur FMN-ja thotë se është keq, atëherë është keq, shkruan teve1.info
“Unë kam qenë edhe si Qeveri, edhe në opozitë, shpeshherë kritik ndaj Fondit Monetar Ndërkombëtar, por kjo s’do të thotë që ata e kanë gjithmonë keq. .. unë jam kritik shumë kur vjen puna te makroekonomia dhe te stabiliteti mikrofinanciar, mirëpo kur edhe FMN-ja po thotë që është keq, dijeni që është shumë keq”, tha Kurti.
Tutje, ai shtoi se iniciuesit e këtij Projektligji janë ata që po e “manipulojnë me konceptin e varfërisë”.
“Janë këta që e kanë sjellë këtë propozim në Kuvend dhe janë këta që po e keqpërdorin brutalisht edhe rrjetin medial për të manipuluar opinionin si për përmasat e krizës, ashtu edhe për domosdoshmërinë e tërheqjes së mjeteve të Trustit si zgjidhje. Ata po manipulojnë me konceptin e varfërisë, ku nuk bëjnë pjesë vetë, dhe me qytetarët e vendit pë të arritur qëllimet e tyre personale që nuk janë qytetarëve të vendit”, tha Kurti. /Teve1.info/
