Sot, Komisioni Qendror i Zgjedhjeve do të mbajë mbledhjen e radhës, ku në rend dite do të jetë shqyrtimi dhe miratimi i rekomandimit për ndarjen e mjeteve financiare nga Fondi për Mbështetje të Subjekteve Politike që janë të përfaqësuara në Kuvendin e Republikës së Kosovës për vitin 2026.
Në mbledhjet e mëparshme, veçanërisht gjatë fushatës zgjedhore, ndarja e këtyre mjeteve ka ngritur shqetësime, duke u bërë një çështje e diskutuar e veçantë, përfshirë përfshirjen e Listës Serbe në përfitimin e fondeve të konsiderueshme.
Po ashtu, pjesë e rendit të ditës do të jenë shqyrtimi i rekomandimeve mbi mësimet e nxjerra nga zgjedhjet lokale të vitit 2025 dhe zgjedhjet parlamentare të njëjtit vit./teve1.info/
