Sipas tij, tërheqja e një pjese të Trustit është e domosdoshme për shkak se është kërkesë ekskluzive dhe nevojë e qytetarëve”.
Madje, ai u ka bërë thirrje deputetëve të LVV-së që kësaj here të veprojnë njëjtë sikur për votimin e Projektkodit Civil, duke thënë se “s’e keni dëgjuar kryeministrin, veproni njëjtë edhe për Trustin”.
“Do të duhej të kishit përgjegjësi për gjendjen aktuale”, ka thënë Krasniqi.
Po ashtu, ai ka përmendur edhe inflacionin në Kosovë duke përmendur Agjencinë e Statistikave të Kosovës që tregojnë se është 12 për qind, por që shkon te 25 për qind për produktet esenciale.
Lidhur me këtë, Krasniqi ka kërkuar nga Qeveria e Kosovës të ndërmarrë masa.
“Kemi një parti të deklaruar të majtë, por po del të jetë e majmë në bazë të deklarimit të pasurisë”, ka shtuar kryetari i PDK-së.
Ndryshe, Projektligjin për Trustin e ka propozuar PDK-ja dhe mbështetet nga pjesa e tjetër opozitës.
Për këtë propozim, Krasniqi gjithashtu tha se “mund ta bëjnë një amendament që më të mos preket Trusti”.
“Por tash njerëzit kanë nevojë”, ka theksuar kryetari i partisë më të madhe opozitare në Kosovë./teve1.info/
