Policia e Kosovës ka arrestuar një person në Pejë nën dyshimin për dhunë fizike dhe dhunim seksuale ndaj bashkëshortes.
Të dyshuarit i janë gjetur dhe konfiskuar edhe armë zjarri e fishekë.
“Më 23.02.2026 është arrestuar i dyshuari mashkull kosovar, i cili ka ushtruar dhunë dhe ka dhunuar seksualisht viktimën femër- bashkëshorten e tij. Gjatë kontrollit në shtëpinë e të dyshuarit janë gjetur dhe konfiskuar tri armë zjarri dhe 27 fishekë. Me vendim të prokurorit i dyshuari është dërguar në mbajtje”, thuhet në raportin 24-orësh.
