Kryeministri i Albin Kurti, priti në takim Ambasadorin e Mbretëria e Bashkuar në Kosovë, Jonathan Hargreaves.
Ky ishte takimi i parë mes kryeministrit Kurti dhe ambasadorit Hargreaves pas formimit të qeverisë së re. Me këtë rast, ambasadori britanik e uroi Kurtin për marrjen e mandatit të ri në krye të ekzekutivit.
Sipas njoftimit të Zyrës së Kryeministrit, në takim u diskutua për marrëdhëniet bilaterale ndërmjet Republika e Kosovës dhe Mbretërisë së Bashkuar, si dhe për thellimin e bashkëpunimit në projekte të përbashkëta.
“Të dy bashkëbiseduesit shprehën gatishmërinë dhe përkushtimin për vazhdimin e bashkëpunimit ndërmjet institucioneve qeveritare dhe Ambasadës së Mbretërisë së Bashkuar, si dhe për angazhim të përbashkët në thellimin e raporteve ndërmjet dy vendeve”, thuhet në njoftim.
Po ashtu, u theksua se Republika e Kosovës mbetet mirënjohëse për mbështetjen e vazhdueshme të Mbretërisë së Bashkuar ndaj proceseve shtetformuese dhe zhvillimore në vend.
