Bvlgari ka emëruar Dua Lipën, këngëtaren me origjinë shqiptare, si ambasadoren e re globale të markës.
Lajmi është bërë i ditur nga Laura Burdese, zëvendësdrejtoreshë ekzekutive e Bvlgari-t, e cila theksoi se Dua Lipa mishëron një vizion bashkëkohor të fuqizimit dhe lirisë që përputhet thellësisht me vlerat e shtëpisë prestigjioze italiane të luksit.
Burdese, e cila do të marrë zyrtarisht rolin e drejtoreshës ekzekutive më 1 korrik, duke pasuar Jean-Christophe Babin, u shpreh e entuziazmuar për fillimin e “këtij kapitulli të ri emocionues” së bashku me artisten.
Nga ana e saj, këngëtarja dhe kantautorja tha se është shumë e veçantë të punosh me një markë ikonike si Bvlgari dhe se ndihet e lumtur të jetë pjesë e një shtëpie që mishëron vetëbesim, kreativitet dhe feminitet modern.
Ajo shtoi se bizhuteritë e Bvlgari-t gjithmonë i japin pamjes prekjen e fundit perfekte, duke e shndërruar një veshje në një moment të vërtetë.
Ylli i muzikës pop, ka ndarë së fundmi mendime personale mbi sfidat që sjell jeta mes turneve botërore dhe marrëdhënieve në distancë.
30-vjeçarja iu përgjigj një fanseje që kishte emigruar për punë dhe kërkonte këshilla se si të ruante lidhjet me njerëzit e dashur nga larg.
“Jam mësuar me këtë ritëm, sidomos gjatë turneve,” u shpreh ajo, duke pranuar se me kalimin e kohës bëhet më e përballueshme, por kurrë plotësisht e lehtë.
Sipas saj, dhimbja nuk lidhet vetëm me momentet e mëdha që humbet, por edhe me mungesën e përditshmërisë dhe çasteve të vogla që ndërtojnë afërsinë.
Rrjetet sociale janë përfshirë nga spekulimet për një martesë të mundshme mes Dua-a dhe aktorit britanik Callum Turner, pas publikimit të një videoje në TikTok që ka nxitur dyshime për një hap të ri në marrëdhënien e tyre.
Në pamjet që po qarkullojnë online, çifti shihet në një restorant në shoqërinë e një organizatoreje të njohur dasmash, duke bërë që fansat të aludojnë se përgatitjet për një ceremoni mund të kenë nisur në heshtje.
Megjithatë, deri më tani, as Dua dhe as Callum nuk kanë reaguar publikisht për këto zëra.
