Kosova dhe Australia kanë rikonfirmuar angazhimin e tyre për forcimin e mëtejshëm të marrëdhënieve bilaterale, duke theksuar rëndësinë e partneritetit me rajonin e Paqësorit dhe bashkëpunimit të ngushtë me Australinë.
Sipas MPJD-së në një takim miqësor dhe konstruktiv, u diskutua për avancimin e bashkëpunimit dypalësh dhe koordinimin në forume shumëpalëshe. U theksua nevoja për intensifikimin e komunikimit dhe identifikimin e fushave me interes të përbashkët.
“Drejtori i Departamentit për Azi dhe Oqeani në MPJD, Guner Ureya, i shoqëruar nga Udhëheqësja e Divizionit për Azi Juglindore dhe Oqeani, Kaltrina Ademi, pritën Ambasadorin jorezident të Australisë, Richard Rodgers, i shoqëruar nga Zyrtarja për çështje politike dhe ekonomike, Dijana Padezanin”, thuhet në njoftimin e ministrisë./teve1.info/
