Policia e Kosovës ka njoftuar për një rast kontrolli të realizuar mbrëmjen e së mërkurës në Bërnjak.
Sipas raportit 24-orësh, gjatë ndalimit dhe kontrollit të një automjeti me targa të Serbisë, që drejtohej nga një i dyshuar, zyrtarët policorë kanë gjetur dhe sekuestruar një vulë me mbishkrim në gjuhën serbe, disa dokumente të ndryshme në të njëjtën gjuhë, një kërkesë të lëshuar nga Ministria e Brendshme e Serbisë, si dhe dy kontrata gjithashtu në gjuhën serbe.
Me urdhër të prokurorit kompetent, vula dhe dokumentet janë konfiskuar për procedura të mëtejshme, ndërsa rasti është iniciuar dhe po trajtohet në kuadër të hetimeve, thuhet në njoftimin e Policisë së Kosovës.
