Policia e Kosovës bën të ditur se të dyshuarit R.B. dhe A.SH. dyshohet se kanë sulmuar viktimën 50-vjeçare A.S.
“Më 22.06.2022, rreth orës 19:30, në rrugën “Muharrem Hoxhaj”, në Prizren, është raportuar se ka ndodhur një rast “Lëndim i rëndë trupor (therje me thikë). Patrulla policore iu ka përgjigjur rastit dhe aty është kuptuar se pas një fjalosje dhe konfrontimi verbal, ka ardhur deri te përleshja fizike, ku dy të dyshuarit në vijim: R. B., i datëlindjes 1954 m/sh/k dhe A. Sh., i datëlindjes 1970 m/sh/k… dyshohet se kanë sulmuar viktimën (A.S.) rreth 50 vjeç. Në ketë rast dyshohet se i dyshuari R. B. e ka goditur me thikë në abdomen viktimën, duke i shkaktuar lëndim të rëndë trupor”, thuhet në njoftim.
Policia bën të ditur se viktima është duke u trajtuar në spital dhe për momentin, sipas mjekut kompetent gjendja e tij është e rëndë.
Në cilësinë e provave materiale janë sekuestruar një gyp i metalit dhe një thikë.
“Në lidhje me veprimet policore është njoftuar prokurori i shtetit dhe me urdhër të tij iniciohet rasti dhe dy të dyshuarit ndalohen për 48 orë. Rasti po hetohet nga sektori rajonal i hetimeve”, thuhet tutje në njoftim. /Teve1.info/