Kryetari i Partisë Demokratike të Kosovës, Bedri Hamza, ka uruar besimtarët myslimanë me rastin e fillimit të muajit të shenjtë të Ramazanit.
Përmes një mesazhi të publikuar në Facebook, Hamza u ka dëshiruar të gjithë besimtarëve agjërim të lehtë dhe një muaj të mbushur me paqe e solidaritet në familjet e tyre.
“Ramazani na fton në përkushtim, durim dhe mirësi. Qoftë ky muaj një shembull bashkimi, harmonie për të gjithë qytetarët dhe afrimi me vlerat më të larta njerëzore. Agjërim të lehtë, lutje të pranuara dhe paqe në çdo familje”, ka shkruar ai./teve1.info/
