Në prag të fillimit të muajit të shenjtë të Ramazanit, kryetarja e Kuvendit të Kosovës, Albulena Haxhiu, ka uruar të gjithë besimtarët myslimanë dhe u ka dëshiruar agjërim të lehtë dhe të pranuar.
Në mesazhin e saj, ajo ka theksuar rëndësinë shpirtërore dhe shoqërore të këtij muaji të shenjtë, duke e cilësuar si një periudhë të veçantë qetësie, reflektimi dhe afrimi mes njerëzve.
“Muaji i shenjtë i Ramazanit, për besimtaret dhe besimtarët myslimanë, është një kohë e veçantë qetësie, reflektimi dhe afrimi me njëri-tjetrin. Ramazani na kujton vlerën e përmbajtjes, të faljes dhe të solidaritetit me ata që kanë nevojë. Uroj që secila ditë e këtij muaji t’ju gjejë me shëndet dhe me njerëzit tuaj pranë. Agjërim të lehtë dhe të pranuar”, thuhet në urimin e saj./teve1.info/
