Ministria e Bujqësisë, Pylltarisë dhe Zhvillimit Rural, përmes Agjencisë për Zhvillimin e Bujqësisë (AZHB), ka njoftuar zgjatjen e afatit të aplikimit për pagesa direkte deri më 27 shkurt në ora 16:00.
Në njoftim bëhet e ditur se ky afat i zgjatur vlen për thirrjen për aplikim për qumësht sipas cilësisë, therjet e raportuara të gjedhit, viçat për majmëri, zogjtë për majmëri (brojlerët) dhe akuakulturë.
Sipas MB-së, zgjatja e afatit u bë pas kërkesave të fermerëve që nuk arritën të aplikonin brenda afatit të mëparshëm.
“Ftohen të gjithë fermerët që nuk kanë aplikuar ende, ta shfrytëzojnë këtë mundësi brenda afatit të ri”, thuhet në fund të njoftimit.
