UEFA, tashmë ka caktuar edhe gjyqtarët që do ta ndajnë drejtësinë në ndeshjen Drita – Celje, e cila i takon fazës “play-off” të Ligës së Konferencës.
Dueli Drita – Celje, zhvillohet të enjten prej orës 21:00 në stadiumin “Fadil Vokrri” në Prishtinë, me kampionen e Kosovës që kërkon rezultat pozitiv para duelit të kthimit javën tjetër në Slloveni.
Gjyqtar kryesor i këtij takimi, do të jetë Chris Kavanagh, i cili do të ndihmohet nga Simon Bennet si asistent i parë dhe Neil Davies, që do të jetë asistenti i dytë.
Arbitri i katërt, do të jetë Thomas Bramall kurse në VAR është Darren England, që do të ndihmohet nga Peter Bankes në AVAR.
Drita ka arritur ta kalojë me sukses fazën e ligës të Ligës së Konferencës, ku në gjashtë ndeshje të luajtura ka regjistruar dy fitore, dy barazime dhe po aq humbje.
