Kryetari i PDK-së, Bedri Hamza ka thënë se rrugëtimi i popullit të Kosovës ka qenë me shumë sakrifica dhe gjithmonë i drejtë.
Në një video të publikuar në Facebook, nga protesta e djeshme në Prishtinë “Drejtësi, jo politikë” në mbështetje të ish-krerëve të UÇK-së, ai ka shkruar se “dje foli populli, sot flasin ata”.
Kjo pasi, sot mbahet seanca ku Hashim Thaçi, Kadri Veseli, Jakup Krasniqi dhe Rexhep Selimi do t’i thonë fjalët e tyre përfundimtare në Gjykatën Speciale në Hagë.
“Nga lufta për liri dhe shpallja e pavarësisë deri te mbrojtja në Gjykatën Speciale, rrugëtimi i popullit tonë ka qenë me shumë sakrifica, por gjithmonë i drejtë.Dje foli populli. Sot flasin ata”, ka shkruar Hamza./teve1.info/
