Kryetari i Lidhjes Demokratike të Kosovës, Lumir Abdixhiku, ka njoftuar se ka propozuar deputeten Jehona Lushaku Sadriu për postin e kryetares së Grupit Parlamentar të LDK-së në legjislaturën e dhjetë të Kuvendit.
Lajmin ai e ka bërë të ditur përmes një postimi në rrjetin social Facebook, ku ka vlerësuar figurën dhe angazhimin e Lushak- Sadriut në jetën politike.
Abdixhiku e ka cilësuar atë si një deputete me integritet të lartë, përgatitje solide akademike dhe përvojë të konsoliduar politike.
Sipas tij, ajo ka dëshmuar bashkëpunim të sinqertë dhe përkushtim ndaj parimeve të demokracisë parlamentare, forcimit të shtetit ligjor dhe orientimit euroatlantik të Kosovës.
Abdixhiku është shprehur i bindur se në rolin e ri, Lushaku Sadriu do ta drejtojë Grupin Parlamentar me profesionalizëm, korrektësi dhe respekt ndaj kolegëve, duke përfaqësuar denjësisht Lidhjen Demokratike të Kosovës dhe mbështetësit e saj në Kuvend
