Raportuesi për Kosovën në Parlamentin Evropian, Riho Terras, ka uruar kryeministrin Albin Kurti për mandatin e ri dhe formimin e qeverisë së re.
Përmes një postimi në rrjetin social “X”, Terras ka vlerësuar përfundimin e paralizës politike në vend dhe ka theksuar rëndësinë e një qeverie funksionale për avancimin e Kosovës drejt Bashkimit Evropian.
“Një qeveri funksionale është thelbësore për të avancuar në rrugën drejt BE-së dhe për të zhbllokuar mbështetjen financiare shumë të nevojshme”, ka shkruar ai.
“Kosova i përket familjes së BE-së”, ka shtuar eurodeputeti, duke i dhënë mbështetje procesit të reformave dhe stabilitetit politik në vend.
