Përmes një postimi në Twitter, ajo bëri të ditur se peticioni me nënshkrimet i është dërguar presidentit francez, Emmanuel Macron.
Po ashtu, Schneeberger i ka shkruar letër Macronit duke i kërkuar liberalizimin e vizave për Kosovën.
“Njerëzit nuk mund të lëvizin lirshëm, nuk mund të shkojnë në festa familjare dhe bizneset përballen me vështirësi”, ka thënë ndër tjerash ajo.
Në letër tregohet se vizat kanë edhe shpenzime dhe kjo ia vështirëson jetën popullit të Kosovës.
15.828 signatures for Visa liberalization for #Kosovo 🇽🇰on the way to President @EmmanuelMacron https://t.co/mK4OLCMRoA#visa4Kosovo pic.twitter.com/b2GtfyWKUx
— Kati Schneeberger 🇪🇺 (@KatiSchneeberg1) June 21, 2022
Samiti i 23 qershorit është përmendur si datë ku mund të shprehet optimizëm për dhënien e dritës së gjelbër për lëvizjen e lirë të qytetarëve të Kosovës.
Kosova i ka përmbushur të gjitha kriteret për liberalizmin e vizave por Franca dhe Holanda konsiderohen dy shtetet më skeptike për këtë proces.
