Një 59-vjeçar ka humbur jetën mbrëmë, pasi ka rënë në një bunar të oborrit të një shkolle të fshatit Bajnicë të komunës së Kaçanikut.
Kështu ka konfirmuar për tëvë1.info zëdhënësi i policisë për rajonin e Ferizajt, Kanun Veseli i cili ka bërë të ditur se se rreth orës 22:30, ekipet e zjarrfikësve dhe vullnetarët kanë arritur ta nxjerrin trupin, kurse mjeku kujdestar ka konstatuar se i ndjeri ishte pa shenja jete.
Policia ka bërë të ditur se me vendim të prokurorit, trupi i pajetë është dërguar në IML për autopsi.
Sipas Policisë së Kosovës rasti është cilësuar “vdekje e dyshimtë”.
“Më datën 10.02.2026, rreth orës 20:40, kemi pranuar informatë se një person, mashkull, i moshës 59 vjeç kishte rënë në një pus (bunar), i cili gjendet në oborrin e shkollës së fshatit Bajnicë, të komunës së Kaçanikut. Njësitet e policisë së Kaçanikut e më pas edhe Njësia e Hetimeve Rajonale, së bashku, zjarrfikësit, emergjencën dhe qytetarë vullnetarë, kanë dalë në vendin e ngjarjes. Në vendin e ngjarjes kanë dalë edhe njësitë e forenzikës rajonale. Rreth orës 22:30, ekipet e zjarrfikësve dhe vullnetarët kanë arritur ta nxjerrin trupin, ndërsa mjeku kujdestar ka konstatuar se ishte pa shenja jete. Për të gjitha veprimet policore është njoftuar prokurori i shtetit dhe me vendim të tij, trupi i pajetë i viktimës është dërguar në Institutin e Mjekësisë Ligjore për autopsi. Rasti është cilësuar vdekje e dyshimtë”, ka deklaruar Veseli./teve1.info/
