Autori: Adea Mustafaj
Të hënën Prokuroria Speciale e Hagës ka tronditur vendin.
Kjo meqënse ata kërkuan nga 45 vite burgim për secilin nga ish-krerët e UCK-së, që ndodhën për gjykim në Hagë.
Kërkesa u bë nga Kryeprokurorja e ZPS-së, Kimberly West, kur procesi hyri në fazën finale.
E kjo kërkesë, po cilësohet si e papranueshme në Organizatën e Veteranëve të Luftës.
“Çdo dënim ndaj këtyre individëve të cilët në fakt nuk janë individ po janë kreu i Ushtrisë Çlirimtare të Kosovës është dënim ndaj një ushtrie vullnetare çlirimtare e cila ka luftuar vetëm për shlirimin e vendit nga një pushtues shekullor i cili nuk ka lënë gjë të zezë pa i bo popullit shqiptarë .”, ka thënë Sopi.
Por, kërkesa, nuk i ka habitur veterane.
Sipas Sopit, dihet se ku burojnë akuzat e speciales për Thacin, Krasniqin, Veselin e Selimin.
“Prokuroria e kërkon maksimumin. Duke pas parasysh se me çfarë dokumentesh është ushqyer kjo prokurori. Duke e pas parasysh dëshmitarët të cilët i ka ftuar dhe të cilët kanë qenë në të shumtën e rasteve edhe qesharake dëshmit e tyre, unë jam i bindur se nuk do të merren parasysh nga trupi gjykues në qoftë se ky trup gjykues bazohet në të drejten ndërkombëtare dhe të drejten në përgjethësi .”, u shpreh tutje Sopi.
Por, a mund të shqiptohet një dënim kaq i ashpër në këtë proces gjyqësor?
“Në këtë kontekst se Zyra e Prokurorit Special është apsurde edhe në kuptim të nenit 15 të ligjit për Dhomat e Specializuara të propuzoj një dënim i cili është mbi 15 vjetë. Pra edhe sikur të kishte, po ne besojm që do të shpallën të pafajshëm dhe jamë i bindur në këtë. Edhe sikur të kishte ndonjë propozim nuk mund të ishte më shumë se 15 vjet.”, ka thënë Smakiqi.
Kërkesa e ZPS-së të hënën, ka ngjallur edhe reagime të tjera të ashpra në vend.
