Katër persona kanë mbetur të lënduar sot si pasojë e një aksidenti trafiku që ka përfshirë tri automjete në fshatin Dollc të Klinës.
Zëdhënësi i Policisë për Rajonin e Pejës, Fadil Gashi, ka konfirmuar se të lënduarit janë dërguar për trajtim mjekësor dhe se gjendja e tyre shëndetësore është jashtë rrezikut për jetë.
Ai bëri të ditur se njësitet policore kanë dalë në vendin e ngjarjes menjëherë pas raportimit të aksidentit dhe se po zhvillohen hetimet për të sqaruar rrethanat e rastit.
Policia nuk ka dhënë ende detaje shtesë lidhur me shkaqet e aksidentit.
