I ftuar në emisionin “Ditari” në Tëvë 1, ai deklaroi se rritja e shifrave të shkurorëzimeve është shqetësuese dhe alarmuese.
“Është mjaft alarmuese, shqetësuese dhe kemi dalë nga pandemia po mundohemi t’i kthehemi jetës normale por pasojat po vërehen që ka lënë ajo kohë e mbyllur, e amortizimit, njësive nukleare apo familjeve. Për ta kuptuar se si mbërrijmë te divorci duhet kuptuar kuptimin e martesës, çka është martesa”, tha ai.
Sipas tij, një ndër shkaqet e divorceve të shumta është janë edhe mospërmbushja e nevojave mes dy personash brenda një lidhjeje.
“Shumica e sociologëve ka shumë mendime disa definicione por njëri thotë se një lidhje brenda dy partnerëve që i përmbushin nevojat seksuale, emocionale, psikologjike qoftë edhe ekonomike duke i krijuar amvisëri brenda asaj familje nukleare apo si familje nukleare duke ekzistuar apo bashkërenduar me familjen e gjerë se të gjitha çiftet nuk jetojnë vetëm. Nëse njëra nga këto kompontentat krijon mospërputhje atëherë shumë lehtë mund të vijnë deri te keqkuptimet, paragjykimet, shfaqja e dhunës mes partnerëve”, shtoi ai.
Po ashtu, sociologu e përmend edhe papjekurinë si shkak që dërgon deri te ndarja e një çifti.
“Janë disa indikatorë që zakonisht i çojnë deri te divorci, njëra është papjekuria hyrja në martesë në moshë të re. Kemi shumë raste që kemi martesa mes të miturve, ata nuk janë të përgatitur për jetë dhe mund të jetë ndër shkaqet që ajo lodhje të mos jetë afatgjate pasi kemi bazën siç e thamë ekonomike. Ne e dimë që gjatë pandemisë shumica e familjeve nuk kanë pasur një punë të rregullt duke e ditur që u mbyllën mbetën pa punë dhe buzë ekzistencës brenda këtyre rrethanave krijon një stres psikologjik apo një pasiguri për të ardhmen”, theksoi ai./teve1.info/
