Sulmuesi nga Maqedonia e Veriut, Fiton Ademi është përforcimi më i ri i skuadrës së Llapit, që garon në Superligën e Kosovës.
Sulmuesi 23-vjeçar te skuadra e Llapit është prezantuar të enjten dhe me ekipin e drejtuar nga trajneri Tahir Batatina ka firmosur kontratë deri në verën e vitit 2028.
Ademi te Llapi është transferuar nga Shkëndija e Tetovës, ekip me të cilin këtë sezon ka shënuar 4 gola dhe ka bërë po aq asistime në 25 paraqitje në të gjitha garat.
Te Llapi e shohin Ademin si përforcim të madh për sulmin dhe zëvendim për Axel Gnapin, i cili javë më parë është transferuar në Rusi.
Ademi ka luajtur për gjeneratat U19 dhe U21 të Maqedonisë së Veriut, ku në total ka regjistruar 9 paraqitje dhe ka shënuar 3 gola.
