Memli Krasniqi nga Partia Demokratike e Kosovës ka bërë sot homazhe në nderim të veprës së heronjve Zahir Pajaziti, Edmond Hoxha dhe Hakif Zejnullahu.
Krasniqi ka thënë se që të tre, lirinë e kishin fjalë të parë dhe amanet të fundit.
Në 29-vjetorin e rënies, Krasniqi tha se ata ranë që Kosova të mos ndalet kurrë në rrugën e lirisë dhe të pavarësisë.
“Në agimin e lirisë, 29 vjet më parë, ranë në rrugën e shenjtë heronjtë Zahir Pajaziti, Hakif Zejnullahu dhe Edmond Hoxha. Për Zahirin flasin shokët: ai nuk e kërkoi heroizmin, por e jetoi. I qetë në vendim, i pathyeshëm në besim dhe i vendosur në veprim. Që të tre, lirinë e kishin fjalë të parë dhe amanet të fundit. Ata ranë që Kosova të mos ndalet kurrë në rrugën e lirisë dhe të pavarësisë. Lavdi e përjetshme dëshmorëve të lirisë!”, ka shkruar Krasniqi./teve1.info/
