Komisioni Qendror i Zgjedhjeve (KQZ) do të mbajë nesër mbledhjen e radhës, në të cilën në rend dite është shpallja e rezultateve përfundimtare të zgjedhjeve të parakohshme për Kuvendin e Kosovës, të mbajtura më 28 dhjetor 2025.
Kështu ka bërë të ditur zëdhënësi i KQZ-së, Valmir Elezi, duke njoftuar se mbledhja do të mbahet të shtunën, më 31 janar 2026, duke filluar nga ora 10:00.
Sipas Elezit, procesi i rinumërimit të 2,557 vendvotimeve, i cili ka nisur më 13 janar, pritet të përfundojë sonte, më 30 janar.
Aktualisht, kanë mbetur për t’u rinumëruar më pak se 50 vendvotime.
Pas përmbylljes së këtij procesi, KQZ pritet të certifikojë rezultatet përfundimtare të zgjedhjeve. /teve1.info/
