Dogana e Kosovës dhe Agjencia e Kosovës për Inteligjencë kanë realizuar një aksion kundër barnave të kontrabanduara në Pejë dhe Gjakovë.
Aksioni është realizuar në disa lokacione ku janë sekuestruar barna në vlerë 10 mijë euro.
“Gjatë kontrolleve të realizuara në disa lokacione, janë evidentuar parregullsi lidhur me posedimin e medikamenteve pa dokumentacion përkatës dhe pa banderolla fiskale, ndërsa në disa lokacione të tjera nuk janë konstatuar shkelje. Si rezultat i këtij aksioni, janë sekuestruar gjithsej 988 pako medikamente, për të cilat vlera e përafërt vlerësohet të jetë rreth 10,000.00 euro”, thuhet në komunikatën e Doganë së Kosovës.
