Gjykata Themelore në Pejë ka caktuar një muaj paraburgim ndaj të pandehurit M.N, për veprën penale “Dhunimi”.
Sipas njoftimit të Gjykatës, paraburgimi llogaritet nga data e arrestimit të të pandehurit, 26.01.2026, ora 12:00, dhe do të zgjasë deri më 25.02.2026, ora 16:00.
“Gjykata Themelore në Pejë – Departamenti për Krime të Rënda, me gjyqtarin e procedurës paraprake Shaqë Curri, ka caktuar masën e paraburgimit në kohëzgjatje prej 1 (një) muaji ndaj të pandehurit M.N., pas kërkesës së Prokurorisë Themelore në Pejë – Departamenti për Krime të Rënda.Masa e paraburgimit është caktuar për shkak të dyshimit të bazuar se i pandehuri M.N. ka kryer veprën penale “Dhunimi”, nga neni 227 paragrafi 6 lidhur me paragrafi 1 të Kodit Penal të Republikës së Kosovës, si dhe për shkak të ekzistimit të kushteve ligjore për caktimin e kësaj mase”, thuhet në njoftim./teve1.info/
