Mbrëmja e ditës së sotme në futbollin Italian, do të mbyllet me dy ndeshjet tejet interesante në kuadër të Serie A.
Dy derbi të xhiros së 22-të, do të zhvillohen në orare të ndryshme por të dyja ndeshjet do të jetë me rivalitet të madh dhe atmosferë të mirë.
Në orën 18:00, skuadra e Juventusit e pret Napolin në derbin e parë të ditës së sotme.
Juventusi kërkon ta mposht Napolin për të mbajtur hapin me kreun e tabelës kurse kampioni në fuqi, synon të triumfojë në Torino.
Te Juventusi mbetet të shihet nëse do të aktivizohet Edon Zhegrova kurse Napolit do ti mungojë Amir Rrahmani për shkak të lëndimit.
Napoli, aktualisht zë vendin e tretë në tabelë me 43 pikë kurse Juventusi është i gjashti me 39 pikë të tubuara.
Derbi tjetër është ai që luhet prej orës 20:45 ndërmjet Romësd he Milanit.
Roma është e katërta në tabelë me 42 pikë, katër më pak se Milani që zë vendin e dytë.
