Irani ka publikuar për herë të parë të mërkurën një shifër zyrtare të të vdekurve në protestat vdekjeprurëse mbarëkombëtare, që filluan më 28 dhjetor.
Sipas deklaratës së Ministrisë së Brendshme dhe Fondacioni i Çështjeve të Dëshmorëve dhe Veteranëve, të transmetuar nga televizioni shtetëror, gjithsej 3,117 persona u vranë, prej tyre 2,427 ishin civilë dhe forca sigurie.
Ndërkohë, Ministri i Jashtëm iranian, Abbas Araghchi, lëshoi kërcënimin e tij më të drejtpërdrejtë deri më tani ndaj Shteteve të Bashkuara, duke paralajmëruar se Republika Islamike do të “kundërpërgjigjet me gjithçka që ka nëse na sulmojnë përsëri”, citon AP.
Komentet erdhën ndërsa Araghchi u njoftua se i është anuluar ftesa për në Forumin Ekonomik Botëror në Davos, për shkak të vrasjeve, dhe ndërsa një grup transportuesish aeroplanësh amerikanë u zhvendos në perëndim drejt Lindjes së Mesme nga Azia.
