Kështu ka bërë të ditur në një konferencë për media, sekretari organizativ i OVL e UÇK-së, Faton Klinaku, shkruan teve1.info
“Është koha që të përmisohet ky gabim i propozuar nga Qeveria, ne ju japim kohë që deri në leximin e dytë ta permisojnë gabimin e diskriminimit të veteranëve në pagën minimale, nëse deri në lexim të dytë nuk rregullohet ky problem, pra nëse diskriminimi vazhdon, diskriminimi ndaj veteranëve mbetet pjesë e ligjit të pagës minimale atëherë ne sot paralajmërojmë protestë në ditën që do të mbahet seanca e kuvendit për shqyrtim në lexim të dytë të ligjit për pagën minimale”, tha Klinaku.
Tutje Klinaku ka thënë se do të shohin se çfarë do të sjell kryeministri i Kosovës, Albin Kurti.
“Ne shohim se çfarë do të na jap kryeministri me shkrim por kjo nuk është çështje e ofertave”, tha ai.
I pyetur se a do të mbahen protesta edhe gjatë seancave të tjera nëse nuk ndryshohet ligji për pagën minimale, ai theksoi se ata do të vazhdojnë të protestojnë.
“Në bazë të një vendimi që kemi marrrë si organizatë e dalë nga lufta ne do të protestojmë në ditën që do të mbahet për lexim të dytë ky ligj që ka të bëjë me pagën minimale”, deklaroi Klinaku.
E sipas tij nëse edhe në lexim të dytë nuk do të ketë ndryshim të ligjit për pagën minimale organet drejtuese të OVL – UÇK-së do të vendosin se çfarë protesta do të mbahen.
“Ne i kemi treguar edhe në takim pavarësisht se a do ta ndryshoj ashtu siç i kemi tregu edhe në takim që ne protestën do ta mbajmë në qoftëse e rregullon duartrokasim ne, në qoftëse e lenë ashtu siç mendon ai, natyrisht që ne protestat do t’i vazhdojmë dhe në qoftëse kalon edhe në lexim të dytë do ti vazhdojmë protestat por organet tona drejtuese do të vendosin se çfarë lloj protestash do të mbahen”, tha Klinaku./teve1.info/
