Gjasat janë të mëdha që mesfushori i Kosovës, Valon Berisha, ta vazhdojë karrierën në Bosnjë e Hercegovinë.
Në fakt, ai pritet të transferohet te Zhelezniqari, ekip që tashmë ka kontaktuar Berishën dhe i ka bërë ofertë zyrtare.
Mediumet boshnjake kanë raportuar se marrëveshja mes palëve është pranë zyrtarizimit.
32-vjeçari te skuadra boshnjake po shihet si përforcim i madh për mesfushën, duke u bazuar në përvojën që ka.
Berisha së fundmi ishte pjesë e LASK-ut të Austrisë, ekip më të cilin thuhet se ka shkëputur kontratën që i skadon në verë.
Berisha karrierë ka bërë edhe te Salzburgu, Lazio, Fortuna Dusseldorfi, Reimsi e Melbourne Cityn.
Me Kosovën, Berisha ka regjistruar 52 paraqitje kurse me fanellën e LASK-ut, ka realizuar 6 gola e 7 asistime në 59 ndeshje.
Ai iu bashkua ekipit austriak në vitin 2024.
