Gjendja e tillë po konsiderohet si rrezik për veturat si dhe për banorët e rrugës “Tirana”.
“Kjo shtylle s’ka kurfar sigurie këtu për momentin, ne momentin qe fryn ndonjë fryme e madhe cili kabull do te këputet ka rrezik për zyret dhe kalimtare te rastit. Ne kemi lajmërua edhe me herët por nuk është ndërmarr ndonjë mase, kisha lut edhe KEDS-in te kenë mirëkuptim qe ta rregullojnë këtë shtylle”, thotë Rrahman Vllasa, qytetar
“Paraqet shume rrezik te madh sepse është ne vend shume te papërshtatshëm, është e rrezikshme për banore pak me fry ndonjë stuhi mundet me u rrezu me i demtu banoret”, thotë qytetari Rrahman Vllasa
“Këtu duhet krejt në rruge me vendos shtylla te betonit ose me i largu të gjitha, nuk ka nevoje për këto”, shprehet Xhafer Matkovci
Por në Kompaninë Kosovare për Distribuim me Energji Elektrike në Kosovë thonë se nuk kanë pranuar ndonjë kërkesë rreth ndonjërës nga shtyllat elektrike në kryeqytet.
“Lidhur me rastin ne fjale ne nuk kemi pranuar asnjë ankese zyrtare nga banoret e atij lokacioni, nëse nuk adresohen këto çështje e tyre apo ankesa tek KEDS-i ne nuk mund ta dimë se për çfarë probleme ata e kane fjalën”, ka thënë Margarita Rashiti- zëdhënëse për medie në KEDS
Rashiti ka thënë për Tëvë1 që për këtë rast do të dërgojnë ekipet në terren që ta verifikojnë gjendjen e do bëjnë analizë për të kryer më pas intervenimin.
Kronika e realizuar nga gazetarja Lendrina Kodrolli
