Ministria e Ekonomisë, Komuna e Ferizajt dhe KOSTT kanë nënshkruar marrëveshje përmes se cilës KOSTT merr pronësinë e ngastrës në Sojevë të Ferizajt ku do të vendosen bateritë 90 MWh për ruajtjen e energjisë.
Me këtë marrëveshje siç ka njoftuar ministrja në detyrë e Ekonimisë, Artane Rizvanolli punimet për bateritë do të ecin përpara në kuadër të programit kompakt me MCC-në.
“Bateritë do të ruajnë energji kur ka tepricë dhe do ta kthejnë në rrjet kur kërkesa rritet, për furnizim më të qëndrueshëm dhe kosto më të përballueshme. Partneriteti Kosovë-SHBA po kthehet në edhe një rezultat konkret: infrastrukturë që e bën energjinë më të sigurt për qytetarët”, ka shkruar ajo.
