Një sasi e madhe e arit është grabitur në një argjendari në rrugën “Agim Ramadani” në Prishtinë, raport Tëvë1.
Policia e Kosovës ka bërë të ditur se për rastin kanë pranuar informacion rreth orës 10:00 të hënën.
Enis Pllana, zëdhënës i PK-së për kryeqytetin ka thënë për teve1.info se organet kompetente janë duke punuar në zbardhjen e rastit.
“Sot rreth orës 10:00 kemi pranuar informatën për një rast Vjedhje e rëndë, që ka ndodhur në një lokal, në rrugën Agim Ramadani në Prishtinë. Zyrtarët nga Njësiti i hetimeve të Përgjithshme-Prishtinë, në koordinim të plotë me prokurorinë janë duke punuar për zbardhjen e rastit si dhe identifikimin e personave të dyshuar”, ka thënë ai.
