Me këtë rast, ministri turk e konfirmoj mbështetjen e Turqisë për integrimin e Kosovës në institucione dhe organizata ndërkombëtare.
“Dua ta përsëris edhe njëherë mbështetjen, integritetin dhe sovranitetin e Kosovës dhe zhvillimin e mëtejshëm të Kosovës dhe integrimin në institucione dhe organe ndërkombëtare. Ne e mbështesim edhe angazhimin në instanca si organizata Euroatkanike dhe organizata tjera”, tha ai.
Mevlut Cavusoglu foli edhe për marrëveshjen e tregtisë së lirë mes Kosovës dhe Turqisë për të cilën tha se ka ndikuar me një rritje prej 53 për qind të tregtisë mes dy vendeve.
“Marrëveshja jonë e tregtisë së lirë, vitin e kaluar në qershor ka hyrë në fuqi dhe kontributi i kësaj marrëveshje është se është rritur për 53 për qind tregtia mes dy vendeve. Eksporti prej Turqisë në Kosovë është dyfishuar dhe në çerekun e parë të këtij viti rreth 20 për qind është shtuar eksporti nga Kosova për në Turqi. Duhet të rriten edhe investimet e Kosovës në Turqi sepse në Kosovë investimet turke kanë rritur 10 mijë vende të punës. Ne duhet të sigurojnë mundësi edhe firmat kosovare të investojnë në Turqi”, tha ai./Teve1.info.
Ministri turk foli edhe për prezencen e organizatës së Fetullah Gylenit , FETO në Kosovë. Ai tha se prania e saj është shqetësuese.
“Natyrisht ekzistenca e FETO-s në Kosovë është pengesa më e madhe e raporteve mes vendeve tona. Ekzistenca e FETO-s po bën punë për të helmuar raportet tona. Strategjinë e ngjashme që e ka zbatuar në vendin tonë, po e zbaton në Kosovë. Po e vështrojmë këtë. Me një anë tentojnë të helmojnë të rinjtë, dhe investojnë në media, e në anën tjetër shohin të infiltrohen në institucione shtetërore. Është shqetësuese për ne”, tha ministri turk.
