Golden Eagle Ylli ka regjistruar fitoren e tretë rresht në Superligën e Kosovës në basketboll.
Pas Borës e Rahovecit 029, Ylli ka mposhtur edhe skuadrën e Sigal Prishtinës në ndeshjen e xhiros së 15-të.
Në duelin e luajtur në Prishtinë, të enjten mbrëma, Ylli triumfoi me shifrat 94:82, për t’ia shkaktuar Prishtinës humbjen e dytë rresht në kampionat.
Ylli i fitoi tre çerekë për këtë fitore, e cila e ngrit në kuotën e 21 pikëve, një më pak se Prishtina që në këtë përballje e fitoi vetëm një çerek.
Scott Bamforth e Lis Shoshi realizuan nga 20 pikë secili për Yllin, ndërsa te Prishtina u dallua Deondre Burns me 29 pikë, 6 kërcime e 7 asisitime.
