Gjykata e Apelit e Kosovës ka marrë një vendim për rastin e njohur të Tom Dodaj, duke ndryshuar aktgjykimin e Gjykatës Themelore të Prishtinës.
Gjykata, pasi shqyrtoi ankesën e paraqitur nga avokati Agron Kuqi, gjykata e shkallës së dytë ka vendosur të ulë dënimin e Dodaj nga 5 vite burgim në 3 vite burgim dhe një gjobë prej 3000 euro, lidhur me veprën penale të importit, eksportit dhe shitjes së armëve të paautorizuara.
Në arsyetim të aktgjykimit, Gjykata e Apelit ka vlerësuar se dënimi i shqiptuar nga gjykata e shkallës së parë ishte tepër i ashpër, duke pasur parasysh rrethanat lehtësuese, si pranimi i fajësisë nga Dodaj, pendimi i tij dhe gatishmëria për bashkëpunim.
Po ashtu, gjykata ka theksuar se ishte hera e parë që Dodaj bie ndesh me ligjin dhe se dënimi më i ulët do të mund të arrijë qëllimin e duhur ndëshkimor./teve1.info/
