Një person në Skenderaj është arrestuar nën dyshimin se ka kryer veprën penale të “Organizimit të skemave piramidale dhe bixhozit të paligjshëm”.
Sipas raportit 24-orësh të Policisë, të dielën i dyshuari është kapur duke luajtur poker në lokalin e tij bashkë me 14 persona të tjerë.
Në vendin e ngjarjes janë sekuestruar një tavolinë pokeri, letra dhe çipa të lojës.
Pas intervistimit, me vendim të prokurorit, i dyshuari është dërguar në mbajtje për procedura të mëtejshme hetimore.
“Është arrestuar i dyshuari mashkull kosovar pasi që, i njëjti është takuar në lokalin e tij duke luajtur poker së bashku me 14 persona të tjerë. Në vendin e ngjarjes janë gjetur dhe sekuestruar një tavolinë në të cilën luhej pokeri, çipa të pokerit, letra për poker”, thuhet në raportin ditor të PK-së. /teve1.info/
