Dy persona kanë humbur jetën në spital pas aksidenteve të ndara që ndodhën ditë më parë në Prishtinë dhe Slivovë.
Në rastin e parë, aksidenti ndodhi në Prishtinë më 30 dhjetor, ndërsa viktima ndërroi jetë më 9 janar gjatë trajtimit mjekësor.
“Me 09.01.2026 është raportuar se viktima mashkull kosovar, gjersa ishte në tretman mjekësor, si pasojë e lëndimeve të marra në aksident ka ndërruar jetë. Me vendim të prokurorit trupi i pa jetë është dërguar në IML për obduksion”, njoftoi Policia.
Rasti i dytë ka ndodhur në fshatin Slivovë më 3 janar, ku një grua u aksidentua dhe po trajtohej në QKUK, derisa ndërroi jetë më 10 janar.
“Lidhur me rastin është raportuar se viktima femër kosovare, e cila ka qenë duke u trajtuar në QKUK, me 10.01.2026 ka ndërruar jetë. Me vendim të prokurorit trupi i pajetë është dërguar në IML për obduksion”, thuhet në raportin e PK-së./teve1.info/
