Fundori amerikan, Derrick Wilson është rikthyer në basketbollin kosovar, por këtë herë te KB Vëllaznimi.
Skuadra nga Gjakova, që bën gara në Superligën e Kosovës, tashmë e ka prezantuar Wilsonin, të cilin e sheh si një përforcim të madh, duke pasur parasysh përvojën e tij.
Wilson do të jetë pjesë e Vëllaznimit për pjesën e mbetur të sezonit dhe për ekipin gjakovar pritet të debutojë kundër Sigal Prishtinës për Kupë.
Wilson e njeh mirë elitën e basketbollit kosovar, pasi në të shkuarën ka luajtur për Sigal Prishtinën dhe Yllin, ndërsa karrierë në Evropë ka bërë edhe në Danimarkë, Suedi, Turqi e Hungari.
Aktualisht, Vëllaznimi nuk ka treguar formë të mirë këtë sezon në kampionat, pasi pas 13-të xhirove të luajtura, zë vendin e fundit në tabelë me 17 pikë të mbledhura.
Ka regjistruar vetëm katër fitore karshi nëntë humbjeve, ndërsa në vikend do të luaj kundër Pejës në palestrën “Shani Nushi” në Gjakovë në kuadër të Superligës.
