Kryeministri në detyrë i Kosovës, Albin Kurti ka reaguar për situatën në Kosovë, që shumë komuna u përballen të martën nga përmbytjet dhe vërshimet.
Kurti ka bërë të ditur se aktualisht situata është nën kontroll dhe ekipet operative po vazhdojnë të jenë në terren duke monitoruar gjendjen.
Sipas kryeministrit në detyrë, FSK ka vendosur gjatë gjithë kohës në gatishmëri njësitet e saj, ka mbajtur kontakte me shtabet lokale emergjente dhe në Gjakovë ka mbështetur autoritetet lokale dhe qendrore në evakuimin dhe vendosjen e familjeve të rrezikuara.
Në fund, ai falënderoi të gjitha ekipet emergjente që iu dolën në ndihmë qytetarëve të vendit./teve1.info/
