Enver Dugolli, anëtar i Lëvizjes Vetëvendosje, theksoi se formimi i qeverisë nuk është më në pyetje. Ai theksoi se qytetarët i kanë dhënë besimin VV-së dhe kryeministrit Albin Kurti për mandatin e ardhshëm katërvjeçar dhe për udhëheqjen e Qeverisë.
Dugolli shtoi se marrëveshjet politike për zgjedhjen e presidentit mund të jenë subjekt diskutimi, por vlerëson lart punën e presidentes gjatë këtij mandati.
Ai shpreson që edhe partitë e tjera politike të reflektojnë dhe të përfundojnë këtë temë, duke shmangur nevojën për zgjedhje të jashtëzakonshme.
“Nuk është më në pyetje formimi i qeverisë, qytetarët i kanë besuar VV-së, Albin Kurtit kryeministrin për mandatin e ardhshëm 4-vjeçar që udhëheq me Qeverinë, marrëveshje politike në kuptimin e zgjedhjes së presidentit, unë mendoj që mund të ketë diskutime, ne e vlerësojmë shumë punën e presidentes që ka bërë gjatë këtij mandate, urojmë që të ketë kurajo edhe tek partitë e tjera politike që të reflektojë në kuptimin e përmbylljes së kësaj teme sepse kjo temë nuk do duhej të na qonte në zgjedhje të jashtëzakonshme”, deklaroi Dugolli në emisionin “Mesditë” në Tëvë1./teve1.info/
