Procesi i dialogut mes Kosovës dhe Serbisë përfshin shumë akterë ndërkombëtarë dhe vende partnere, përfshirë Zvicrën, e cila përmes Departamentit të Punëve të Jashtme organizon çdo vit takime me shoqëri civile, ekspertë, politikanë dhe zyrtarë qeveritarë nga të dy shtetet.
Klisman Kadiu, Këshilltar i zëvendëskryeministri dhe kryenegociatori i Kosovës, Besnik Bislimi, ka mohuar çdo takim “të fshehtë”, të Bislimit me Marko Gjuriq.
Kadiu ka thënë se Bislimi ka qenë i ftuar si folës në një takim në Zvicër, ku Gjuriq nuk ka qenë i pranishëm./teve1.info/
“Procesi i dialogut mes Kosovës dhe Serbisë është i gjerë dhe përfshin shumë akterë ndërmjetësues. Krahas BE-së, ka edhe vende partnere e mike të cilat organizojnë iniciativa të ndryshme për ndërmjetësim mes palëve. E tillë është edhe Zvicra, që e bën këtë përmes Departamentit për Punë të Jashtme, dhe organizon çdo vit takime me shoqëri civile, ekspertë, politikanë dhe qeveritarë nga të dy shtetet. Shprehim mirënjohjen ndaj Zvicrës për angazhimin dhe përkushtimin e saj.
Por këto takime nuk janë “të fshehta”. Zëvendëskryeministri i parë Besnik Bislimi, njëherësh kryenegociator në këtë mandat, në procesin e dialogut, nuk ka patur takime “të fshehta”, e aq më pak me Marko Gjuriq. Në njërin nga këto takime në Zvicër, ka qenë i ftuar si folës edhe zëvendëskryeministri por në atë takim nuk ka qenë pjesëmarrës Gjuriq. Pra Zëvendëskryeministri Bislimi, nuk ka patur asnjë takim në Zvicër me Marko Gjuriq dhe kurrë nuk e ka takuar atë”, ka shkruar ai në Facebook./teve1.info/
